Polisi mkoani Morogoro, wanamshikilia mkazi mmoja wa Ujenzi, mjini
Morogoro kwa tuhuma za kuwaunguza midomo, watoto wake wawili kwa madai kuwa
waliiba na kula karanga zake.
Kamanda wa Polisi mkoani humo, Faustine Shilogile, alisema tukio
hilo lilitokea mapema wiki hii na kwamba mmoja wa watoto hao ana umri wa miaka
kumi na mwingine, mitano.
Kamanda Shilogile alisema mtuhumiwa alikwishaachana na mama wa
watoto hao ambao kwa sasa amekuwa akiishi nao.
Alisema karanga hizo zilikuwa ni za biashara ya baba yao na kwamba
taarifa za tukio hilo, zilitolewa na walimu wa Shule ya Msingi Msamvu B ambako
watoto hao wanasoma.
Kamanda Shilogile alisema walipofikishwa katika kituo cha polisi na
kuchukuliwa maelezo, watoto hao walipelekwa hospitalini kwa matibabu na
kwamba mtuhumiwa atafikishwa mahakamani.
No comments:
Post a Comment