Mwimbaji nguli wa muziki wa taarab Fatma Baraka aliyejibebea
umaarufu kwa jina la Bi Kidude ameiaga dunia mchana wa leo huko Bububu, Zanzibar.
Akithibitisha tukio hilo mjukuu
wa marehemu Fatma Kidude amesema
kuwa bibi yake amekutwa na mauti akiwa nyumbani
kwa mtoto wa kaka yake huko huko
Bububu, Zanzibar.
Fatma ambaye pia ni mwimbaji wa kundi la muziki la Gusa Gusa Dar es Salaam amesema kuwa taratibu za mazishi bado
zinaendelea kufanyika wakati mwili wa marehemu unapelekwa nyumbani kwake Raha Leo.
Kutokana na taarifa tulizozipata Bi kidude amefariki akiwa na umri wa
miaka 103. Mungu ailaze roho ya marehemu mahali pema peponi Amen.
No comments:
Post a Comment